ພາບສາລະຄະດີ

ທະຫານເຮືອຫວຽດນາມ ຕັ້ງໜ້າເຂົ້າຮ່ວມບັນດາການເຄື່ອນໄຫວໃນຂອບເຂດ LIMA 2023

26 ພຶດສະພາ 2023 17:37

ກປ.ອອນໄລ - ຄະນະຜູ້ແທນທະຫານເຮືອປະຊາຊົນຫວຽດນາມ ພວມເຂົ້າຮ່ວມບັນດາການເຄື່ອນໄຫວໃນຂອບເຂດງານວາງສະແດງການເດີນທະເລ ແລະການບິນອາວະກາດສາກົນ Langkawi (LIMA) 2023 ຢ່າງຕັ້ງໜ້າ, ເຊິ່ງດໍາເນີນແຕ່ວັນທີ 23 ຫາວັນທີ 28 ພຶດສະພາ 2023. ໄປຄຽງຄູ່ກັບພິທີສວນສະໜາມກໍາປັ່ນທະຫານເຮືອ ເຊິ່ງແມ່ນໜຶ່ງໃນບັນດາການເຄື່ອນໄຫວຫຼັກຂອງງານວາງສະແດງ, ຄະນະຜູ້ແທນທະຫານເຮືອປະຊາຊົນຫວຽດນາມ ຍັງໄດ້ເຂົ້າຮ່ວມຫຼາຍກິດຈະກໍາເຄື່ອນໄຫວຢູ່ແຄມຝັ່ງ ພ້ອມກັບທະຫານເຮືອບັນດາປະເທດ. ໂດຍ: ໄຊຊະນະ

ຮັດແໜ້ນນ້ຳໃຈສາມັກຄີລະຫວ່າງກອງທັບສອງປະເທດ ຫວຽດນາມ - ລາວ

13 ພຶດສະພາ 2023 18:29
ກປ.ອອນໄລ - ຕອນຄໍ່າວັນທີ 12 ພຶດສະພາ, ສະຫາຍພົນໂທ ຫງວຽນເຕິນເກືອງ, ກໍາມະການສູນກາງພັກ, ຄະນະປະຈໍາຄະນະພັກການ ທະຫານສູນກາງ, ຫົວໜ້າກົມໃຫຍ່ເສນາທິການ ກອງທັບປະຊາຊົນຫວຽດນາມ, ຮອງລັດຖະມົນຕີກະຊວງປ້ອງກັນປະເທດຫວຽດນາມ ແລະຄະນະຜູ້ແທນການທະຫານຂັ້ນສູງກອງທັບປະຊາຊົນຫວຽດນາມ ໄດ້ກັບມາຮອດຮ່າໂນ້ຍ ສິ້ນສຸດການຢ້ຽມຢາມ ສປປ ລາວ ຢ່າງຈົບງາມ. ໃນການຢ້ຽມຢາມຄັ້ງນີ້, ສະຫາຍພົນໂທ ຫງວຽນເຕິນເກືອງ ໄດ້ມີການເຄື່ອນໄຫວສຳຄັນຫຼາຍຢ່າງ, ຄື: ພົບປະກັບສະຫາຍ ທອງລຸນ ສີສຸລິດ, ເລຂາທິການໃຫຍ່, ປະທານປະເທດ ແຫ່ງ ສປປ ລາວ ແລະສະຫາຍພົນເອກ ຈັນສະໝອນ ຈັນຍາລາດ, ກໍາມະການກົມການເມືອງສູນກາງພັກ, ຮອງນາຍົກລັດຖະມົນຕີ, ລັດຖະມົນຕີກະຊວງປ້ອງກັນປະເທດລາວ; ພົບປະ ເຈລະຈາກັບສະຫາຍພົນໂທ ຄຳລຽງ ອຸທະໄກສອນ ກຳມະການສູນກາງພັກ ປະຊາຊົນປະຕິວັດລາວ, ຮອງລັດຖະມົນຕີກະຊວງປ້ອງກັນປະເທດ, ຫົວໜ້າກົມໃຫຍ່ເສນາທິການກອງທັບປະຊາຊົນລາວ; ເຂົ້າຮ່ວມພິທີເປີດນໍາໃຊ້ ແລະມອບຮັບໂຮງຮຽນວັດທະນະທໍາຊົນເຜົ່າກອງທັບປະຊາຊົນລາວ; ຢ້ຽມຢາມ ບໍລິສັດ Star Telecom (Unitel) ສັງກັດກຸ່ມບໍລິສັດອຸດສາຫະກໍາ-ໂທລະຄົມມະນາຄົມກອງທັບ (Viettel); ຢ້ຽມຢາມກອງພົນທະຫານຮາບທີ 1 (ກອງທັບປະຊາຊົນລາວ) ແລະມີການເຄື່ອນໄຫວທີ່ມີຄວາມໝາຍອື່ນໆ. ໜັງສືພິມກອງທັບປະຊາຊົນຂໍແນະນໍາເຖິງເພື່ອນຜູ້ອ່ານບາງຮູບພາບການຢ້ຽມຢາມຂອງສະຫາຍພົນໂທ ຫງວຽນເຕິນເກືອງ. ໂດຍ: ທະນາພອນ

ກໍາປັ່ນ 015 - ເຈິ່ນຮຶງດ້າວ ຝຶກຊ້ອມກັບກໍາປັ່ນທະຫານເຮືອອິນເດຍ ແລະບັນດາປະເທດອາຊຽນ

11 ພຶດສະພາ 2023 18:54
ກປ.ອອນໄລ - ເຂົ້າຮ່ວມການຝຶກຊ້ອມເດີນທະເລອິນເດຍ-ອາຊຽນ (AIME) ໂດຍ ອິນເດຍ ແລະສິງກະໂປ ຮ່ວມຈັດຕັ້ງ, ກໍາປັ່ນ 015 - ເຈິ່ນຮຶງດ້າວ ຂຶ້ນກັບກອງພົນນ້ອຍ 162, ທະຫານເຮືອເຂດ 4 ໄດ້ສຳເລັດການຝຶກຊ້ອມຢູ່ທະເລພ້ອມກັບກໍາປັ່ນທະຫານເຮືອ 8 ລໍາຂອງ ອິນເດຍ (2 ລໍາ), ສິງກະໂປ, ມາເລເຊຍ, ຟີລິບປິນ, ອິນໂດເນເຊຍ, ໄທ, ບຣູໄນ. ໃນທຸກລາຍການຝຶກຊ້ອມ, ພະນັກງານ ແລະນັກຮົບຢູ່ກໍາປັ່ນ 015 - ເຈິ່ນຮຶງດ້າວ ໄດ້ສະແດງໃຫ້ເຫັນລະດັບ ແລະຄວາມສາມາດວິຊາການໃນແຕ່ລະສະຖານະການຊ້ອມຮົບ. ພາຍຫຼັງເກືອບ 2 ວັນ ແລະຄືນແຫ່ງການຝຶກຊ້ອມຢ່າງຕໍ່ເນື່ອງ, ທຸກກໍາລັງເຄື່ອນຍ້າຍຢູ່ເຂດຝຶກຊ້ອມຍາວກວ່າ 300 ໄມທະເລ, ປະຕິບັດບັນດາລາຍການ, ຄື: ການຝຶກຊ້ອມຕິດຕາມກໍາປັ່ນເປົ້າໝາຍ, ການຖ່າຍຮູບແຖວ, ຂົນສົ່ງຢູ່ທະເລ, ການຝຶກຊ້ອມໂທລະເລກ ແລະແກ້ກົດລັບ, ກວດກາກຳປັ່ນທີ່ສົງໄສ. ນັກຂ່າວໜັງສືພິມກອງທັບປະຊາຊົນຫວຽດນາມ ຂໍແນະນໍາບາງຮູບພາບກ່ຽວກັບການຝຶກຊ້ອມຂອງພະນັກງານ, ນັກຮົບເຖິງເພື່ອນຜູ້ອ່ານ. ໂດຍ: ເຈິ່ນຮວ່ຽນ

ອົບຮົມຫັດແອບເກັ່ງ, ກຽມພ້ອມສູ້ຮົບສູງ

2 ພຶດສະພາ 2023 17:6
ກປ.ອອນໄລ - ໃນຊຸມວັນນີ້, ບັນດາກົມກອງຂຶ້ນກັບກໍາລັງປະກອບອາວຸດທະຫານເຂດ 9 ພວມອອກແຮງແຂ່ງຂັນກັນ, ເພື່ອໃຫ້ບັນລຸໝາກຜົນສູງສຸດດ້ວຍບັນດາໜ້າທີ່ ວຽກງານທີ່ລະອຽດ, ແທດຈິງ. ໂດຍໄດ້ຮັບການຂະໜານນາມວ່າແມ່ນ “ນັກຮົບເວນຍາມທ້ອງຟ້າ”, ສໍາລັບພະນັກງານ, ນັກຮົບກອງຮ້ອຍ 572, ກອງພັນ 145, ກອງພົນນ້ອຍປືນໃຫຍ່ປ້ອງກັນອາກາດ 226, ກົມກອງຍາມໃດກໍອົບຮົມຫັດແອບເກັ່ງ, ກຽມພ້ອມສູ້ຮົບສູງຢ່າງເປັນປະຈໍາ. ໃຜກໍ່ຕັດສິນໃຈຕິດແທດກັບສະໜາມຫັດແອບ, ບັນຍາກາດຂອງການຝຶກແອບຍາມໃດກໍຟົດຟື້ນມ່ວນຊື່ນ. ເພື່ອໃຫ້ມີຄວາມເຂົ້າໃຈຕື່ມອີກກ່ຽວກັບວຽກງານອົບຮົມຫັດແອບ, ກຽມພ້ອມສູ້ຮົບຂອງນັກຮົບ “ເວນຍາມທ້ອງຟ້າ”, ໜັງສືພິມກອງທັບປະຊາຊົນ ເອເລັກໂຕນິກຫວຽດນາມ ຂໍແນະນໍາບາງຮູບພາບຂອງການອົບຮົມຫັດແອບຂອງພະນັກງານ, ນັກຮົບເຖິງເພື່ອນຜູ້ອ່ານ. ໂດຍ:ໄຊຊະນະ

ບຸນປີໃໝ່ ເຕັມໄປດ້ວຍນໍ້າໃຈມິດຕະພາບ ຢູ່ໂຮງຮຽນມິດຕະພາບ T78

17 ເມສາ 2023 14:46
ກປ.ອອນໄລ - ຫວ່າງແລ້ວນີ້, ນັກຮຽນ, ນັກສຶກສາ ລາວ ເກືອບ 200 ຄົນ ທີ່ພວມຮໍ່າຮຽນຢູ່ໂຮງຮຽນມິດຕະພາບ T78 (ກະຊວງສຶກສາ ແລະກໍ່ສ້າງ) ໄດ້ຮ່ວມກັນຕ້ອນຮັບບຸນປີໃໝ່ ລາວ ພສ 2566. ນີ້ແມ່ນບຸນປີໃໝ່ປະເພນີໃຫຍ່ທີ່ສຸດຂອງປະຊາຊົນ ລາວ ເຊິ່ງ ປີນີ້ດໍາເນີນແຕ່ວັນທີ 14-16 ເມສາ 2023. ເນື່ອງໃນໂອກາດພິເສດນີ້, ຄະນະອໍານວຍການໂຮງຮຽນ ໄດ້ຈັດພິທີຕ້ອນຮັບບຸນປີໃໝ່ ພສ 2566 ໃຫ້ນັກຮຽນ, ນັກສຶກສາ ລາວ, ນີ້ແມ່ນການເຄື່ອນໄຫວປະຈໍາປີຂອງຄູອາຈານ ແລະນັກຮຽນໂຮງຮຽນມິດຕະພາບ T78 ເພື່ອໃຫ້ກໍາລັງໃຈ, ສ້າງຄວາມສະໜິດຕິດພັນລະຫວ່າງປະຊາຊົນທ້ອງຖິ່ນກັບນັກຮຽນ, ນັກສຶກສາ ລາວ ນັບຫຼາຍຮ້ອຍຄົນທີ່ພວມຮໍ່າຮຽນຢູ່ໂຮງຮຽນມິດຕະພາບ T78. ໂຮງຮຽນມິດຕະພາບ T78 ສັງກັດກະຊວງສຶກສາ ແລະກໍ່ສ້າງ, ໄດ້ຮັບການສ້າງຕັ້ງໃນວັນທີ 1 ມັງກອນ 1958, ເປັນໂຮງຮຽນພິເສດ, ມີມູນເຊື້ອມາແຕ່ດົນນານ, ພິເສດແມ່ນການພັດທະນານໍ້າໃຈມິດຕະພາບຫວຽດນາມ - ລາວ, ແຕ່ລະປີມີນັກຮຽນ, ນັກສຶກສາຕ່າງປະເທດປະມານ 200-300 ຄົນມາຮໍ່າຮຽນ ແລະສ່ວນຫຼາຍແມ່ນນັກຮຽນ, ນັກສຶກສາ ລາວ. ໜັງສືພິມກອງທັບປະຊາຊົນເອເລັກໂຕນິກ ຂໍແນະນໍາເຖິງເພື່ອນຜູ້ອ່ານບາງຮູບພາບຕ້ອນຮັບບຸນປີໃໝ່ ລາວ ພສ 2566 ຢູ່ໂຮງຮຽນມິດຕະພາບ T78. ໂດຍ: ໄຊຊະນະ

ຄວາມງາມຂອງແພດທະຫານ

27 ກຸມພາ 2023 17:22
ກປ.ອອນໄລ - ໃນຖັນແຖວແພດທະຫານ, ພະນັກງານ, ພາລະກອນ ແຕ່ລະຄົນດໍາລົງຕຳແໜ່ງ, ຮັບຜິດຊອບບັນດາໜ້າທີ່, ຂົງເຂດ, ການເຄື່ອນໄຫວດ້ານວິຊາສະເພາະທີ່ແຕກຕ່າງກັນ. ບໍ່ວ່າຈະຢູ່ໃນຕຳແໜ່ງໃດ, ສະພາບການປະຕິບັດງານໃດກໍ່ຕາມ ເຂົາເຈົ້າລ້ວນແຕ່ມີຄວາມສຸດຈິດສຸດໃຈ ແລະມີຄວາມຮັບຜິດຊອບຕໍ່ໜ້າທີ່ວຽກງານຂອງຕົນ, ເສີມສ້າງຮູບພາບອັນສູງສົ່ງຂອງ “ແພດທະຫານ-ທະຫານລຸງໂຮ່". ໂດຍ: ທະນາພອນ

ຕ້ອນຮັບນັກຮົບຄົນໃໝ່ຢ່າງຮອບຄອບຖີ່ຖ້ວນ, ອົບອຸ່ນ

10 ກຸມພາ 2023 19:11
ກປ.ອອນໄລ - ບັນດາກົມກອງຂອງເຫຼົ່າທັບເຮືອໄດ້ຈັດຕັ້ງພິທີຮັບເອົາຊາວໜຸ່ມເຂົ້າເປັນທະຫານພັນທະທີ່ກົມກອງຢ່າງຮອບຄອບຖີ່ຖ້ວນ, ປອດໄພ, ພະນັກງານທຸກຂັ້ນໄດ້ແນະນໍາ, ຊ່ວຍເຫຼືອນັກຮົບຄົນໃໝ່ປະຕິບັດຕາມແບບແຜນ, ກົດລະບຽບ, ລະບຽບການ, ບ່ອນກິນບ່ອນຢູ່ ແລະໂອ້ລົມ, ລະດົມກໍາລັງໃຈ, ສ້າງບັນຍາກາດສະໜິດສະໜົມເພື່ອໃຫ້ນັກຮົບຄົນໃໝ່ມີຄວາມອຸ່ນອ່ຽງໃຈປະຕິບັດວຽກງານ. ໂດຍ: ໄຊນີດາ

ພິທີມອບ-ຮັບທະຫານພັນທະໄດ້ດໍາເນີນຢ່າງສົມກຽດ, ວ່ອງໄວ, ກະທັດຮັດ ແລະຮັບປະກັນຄວາມປອດໄພ

7 ກຸມພາ 2023 17:56
ກປ.ອອນໄລ - ຕອນເຊົ້າວັນທີ 6 ກຸມພາ, ຊາວໜຸ່ມຢູ່ບັນດາແຂວງ, ນະຄອນມີຄວາມຫ້າວຫັນອອກເດີນທາງໄປເປັນທະຫານພັນທະ ເພື່ອປົກປັກຮັກສາປະເທດຊາດ. ທະຫານພັນທະໃໝ່ທຸກຄົນລ້ວນແຕ່ສະແດງຄວາມຕັດສິນໃຈຝຶກແອບ, ສູ້ຊົນໃນໄລຍະຕໍ່ໄປ. ມາຮອດໄລຍະນີ້, ວຽກງານມອບ-ຮັບທະຫານພັນທະ ຢູ່ບັນດາທ້ອງຖິ່ນໄດ້ດຳເນີນໄປຢ່າງສະຫງ່າຜ່າເຜີຍ, ເບີກບານມ່ວນຊື່ນ ແລະປອດໄພ. ໂດຍ: ທະນາພອນ

ຕ້ອນຮັບປີໃໝ່ ຢູ່ຮ້ານເວນຍາມ DK 1/10

4 ມັງກອນ 2023 20:57
ກປ.ອອນໄລ - ໃນຊຸມວັນຕົ້ນປີ 2023, ພວກຂ້າພະເຈົ້າໄດ້ນໍາເອົາຂອງຂວັນລະດູບານໃໝ່ ແລະອາລົມຈິດຄວາມຮັກແພງຈາກເຂດດິນຕໍ່ແຜ່ນໄປຢ້ຽມຢາມ ແລະມອບໃຫ້ພະນັກງານ, ນັກຮົບທີ່ກໍາລັງເຮັດໜ້າທີ່ຢູ່ໄຫຼ່ທະວີບທາງພາກໃຕ້ຂອງປະເທດຊາດ. ມີຄວາມໝາຍ ແລະເປັນກຽດທີ່ສຸດເມື່ອຄະນະປະຕິບັດງານເປັນຜູ້ “ເປີດແລກແຮກໝານ” ມາຢ້ຽມຢາມຮ້ານເວນຍາມ DK 1/10 (ກອງພັນ DK 1, ທະຫານເຮືອເຂດ 2). ນະທີ່ນີ້, ພວກຂ້າພະເຈົ້າ ໄດ້ເຊື່ອມຕົວເຂົ້າກັບບັນຍາກາດຕ້ອນຮັບປີໃໝ່ພິເສດ, ສະເທືອນໃຈ ແລະອົບອຸ່ນຂອງທະຫານຮ້ານເວນຍາມ ດ້ວຍທິດນໍາ “ຕ້ອນຮັບປີໃໝ່ແຕ່ບໍ່ລືມໜ້າທີ່”. ໂດຍ: ໄຊຊະນະ

ຮູບພາບປະທັບໃຈ ທີ່ພິທີໄຂງານວາງສະແດງປ້ອງກັນຊາດສາກົນ ຫວຽດນາມ 2022

9 ທັນວາ 2022 20:10
ກປ.ອອນໄລ - ຕອນເຊົ້າວັນທີ 8 ທັນວາ, ພິທີໄຂງານວາງສະແດງປ້ອງກັນຊາດສາກົນ ຫວຽດນາມ 2022 ໄດ້ດໍາເເນີນ ຢູ່ເຂດສະໜາມບິນ ຢາເລິມ, ຮ່າໂນ້ຍ ຢ່າງເປັນທາງການ. ງານວາງສະແດງປ້ອງກັນຊາດສາກົນ ຫວຽດນາມ 2022 ດໍາເນີນໄປໃນລະຫວ່າງວັນທີ 8-10 ທັນວາ ໄດ້ດຶງດູດ 170 ກວ່າຫົວໜ່ວຍ, ວິສາຫະກິດກວ່າທີ່ມາຈາກ 30 ປະເທດໃນໂລກ ມາແນະນໍາບັນດາພາຫະນະສູ້ຮົບ, ມາດຕະການເຕັກໂນໂລຢີ, ອາວຸດຍຸດໂທປະກອນ ທີ່ນໍາໃຊ້ໃຫ້ກໍາລັງທະຫານເຮືອ, ທະຫານບົກ, ທະຫານອາກາດ-ປ້ອງກັນອາກາດ, ການສູ້ຮົບທາງອິນເຕີແນັດ ແລະບັນດາອຸປະກອນພະລາທິການ, ເຕັກນິກ. ນອກຈາກນັ້ນ, ໃນຂອບເຂດງານວາງສະແດງ, ຄະນະຈັດຕັ້ງ ຍັງໄດ້ຈັດເຂດແນະນໍາວັດທະນະທໍາ, ອາຫານການກິນ, ເຂດວາງສະແດງດ້ວຍຫົວຂໍ້: “ເສດຖະກິດ-ປ້ອງກັນຊາດ ໃນສັງກາດດີຈີຕອນ”. ໂດຍ: ທູຈາງ

ການແຂ່ງຂັນຍິງປືນທະຫານບົກອາຊຽນ ຄັ້ງທີ 30 (AARM-30): ເຕັມໄປດ້ວຍນ້ຳໃຈສາມັກຄີ, ມິດຕະພາບ

11 ພະຈິກ 2022 20:11
ກປ.ອອນໄລ - ເມື່ອເຂົ້າຮ່ວມ AARM-30 ຢູ່ຫວຽດນາມ, ບັນດານັກຍິງປືນດີເດັ່ນທີ່ສຸດໃນພາກພື້ນອາຊຽນ ບໍ່ພຽງແຕ່ມີກາລະໂອກາດສະແດງຄວາມເກັ່ງກ້າສາມາດນໍາໃຊ້ປືນທີ່ດີເລີດ ຜ່ານບັນດາບົດຍິງປືນ ໃນສະໜາມຝຶກຊ້ອມຂອງສູນຝຶກຊ້ອມການທະຫານແຫ່ງຊາດ ທີ 4 ເທົ່ານັ້ນ ຫາກຍັງໄດ້ຮັບທຳຄວາມຊິນເຄີຍ, ໂອ້ລົມ, ຮໍ່າຮຽນເຊິ່ງກັນ ແລະກັນ ແລະພ້ອມກັນເຂົ້າຮ່ວມການເຄື່ອນໄຫວຕ່າງໆ ຄື ແຂ່ງຂັນກິລາ, ຢ້ຽມຢາມບັນດາທັດສະນີຍະພາບຂອງນະຄອນຫຼວງຮ່າໂນ້ຍ ອີກດ້ວຍ. ພາຍຫຼັງການແຂ່ງຂັນທີ່ຂ້ຽວຂາດ, ການເຄື່ອນໄຫວເຫຼົ່ານີ້ ໄດ້ຊ່ວຍນຳມາເຊິ່ງບັນຍາກາດແຂ່ງຂັນທີ່ຟົດຟື້ນ, ເຕັມໄປດ້ວຍຄວາມສາມັກຄີ, ມິດຕະພາບ. ນັ້ນແມ່ນຈຸດປະສົງ ແລະສານ ເຊິ່ງ AARM-30 ມຸ່ງໄປເຖິງ. ໜັງສືພິມກອງທັບປະຊາຊົນຫວຽດນາມ ຂໍແນະນໍາບາງຮູບພາບກ່ຽວກັບການແຂ່ງຂັນດຶງເຊືອກລະຫວ່າງບັນດານັກຍິງປືນທີ່ເຂົ້າຮ່ວມ AARM-30 ຢູ່ຫວຽດນາມ. ໂດຍ: ຈາງຫງວຽນ

1 2 3 4 5